Meðan bandaríska þjóðin og í raun heimurinn fyllist bjartsýni og sér fram á bjartari tíma framundan með nýjum leiðtoga þá horfir sú íslenska fram á vonleysi og stórhríð með gallaða ríkisstjórn, lélegan forsætisráðherra og stjórnendur í öllum helstu embættum landsins okkar.  Geir segist vilja fá vinnufrið til þess að bjarga þessu löngu sokkna skipi.  Ef hann væri ekki svona blindur þá væri hann búinn að sjá sóma sinn í því að koma sér í burtu og helst úr landi.  Ekki er þessi ríkisstjórn hissa á þessum mótmælum sem voru í dag, það er alveg einkennilegt hvað fólk verður siðblint þegar það kemst til valda og fær hærri laun…það er greinilegt að núverandi ríkisstjórn flokkast undir það.

Ef Samfylkingin ætlar að stefna að fá eitthvað fylgi í næstu kosningum þarf hún að koma sér í burtu, ég reikna ekki með að þeir bláu fái neitt enda hafa þeir gott á að fara sér 30 ára pásu frá sjórnmálum.  Af hverju er ekki mynduð minnihlutastjórn með Vinstri Grænum sem að Framsókn myndi vernda þangað til að kosningar verði?  Sigmundur formaður Framsóknar var eitthvað að viðra þessar skoðanir.  Einhverjir segja að það borgi sig ekki að eiða tíma og orku í kosningar núna, en það er alveg ljóst að þjóðin tapar engu á því að fara í kosningar því að árangur þessarar ríkisstjórnar er minni en enginn.  Þeir þykjast kannski vera að gera eitthvað en það getur ekki verið merkilegt.  

Það er eitt sem að Samfylkingin virðist ekki átta sig á, að hún og Framsókn urðu enn líkari flokkar eftir landsþing þeirra.  Nú er hún á síðasta séns með að tapa ekki fylgi sínu endanlega, því að mig grunar að margir þeirra séu nú til í að fara með atkvæði sitt til Vinstir Grænna eða Framsóknar.

Jæja þá er ég búinn að leggja mitt að mörkun til mótmæla, þar sema að maður býr ekki í borginni.

Þá er það endanlega staðfest, landsbyggðin er annars flokks og það er því ekki þess virði að eyða tíma né fjármunum í að hafa samskipti við þau.  Þessum skilaboðum kom Páll útvarpsstjóri snyrtilega til skila þegar hann setti fram sparnaðartillögur Rúv, sem m.a. lúta að því að leggja niður eða stórlega minnka umsvif svæðisútvarpsstöðvanna.

Þetta staðfestir Morgunblaðið sem hefur komið út síðan 1913 og flestir landsmenn verið áskrifendur að, sérstaklega fyrr á tímum.  Þeir halda örugglega að þetta landsbyggðarfólk eigi enga peninga og því óþarfi að senda frítt Morgunblað inn á öll heimili landsins á fimmtudögum fram að jólum.  Tilefni þessara skrifa er frétt sem ég las um þetta mál á mbl.is sem ber titilinn ,,Morgunblaðið í aldreifingu fram að jólum”, hljómar vissulega vel en þegar betur var að gáð þá eru það auðvitað gullbörnin í Rvk og nágrenni sem fá að njóta.  Ætli þeir í markaðsdeild moggans geri sér grein fyrir því að landsbyggðaríbúar eru margir hverjir betur staddir fjárhagslega en blessað fólkið í Rvk, nei ég segi svona

Tengilinn á fréttina má sjá hér:  Mogginn að gefa útvöldum!

Mér var kennt í æsku að skilja ekki útundan, því miður gleymdi maður því stundum, en mér hefði aldrei dottið til hugar að halda veislu og gefa bara sjálfum mér að borða og láta gestina horfa á.

Neytendasamtökin

Talsmaður neytenda

Fréttastofa Sjónvarps

Fréttastofa Stöðvar 2

Visir.is

Fréttablaðið

Morgunblaðið

Kastljós

Dr. Gunni

Afrit einnig sent til Upplýsingarfulltrúa Icelandair

Mánudagur 24. Nóvember 2008

Efni:  Varðandi verðlagningu Icelandair

Mig langar að senda inn fyrirspurn, eða kvörtun vegna viðskiptahátta Icelandair.  Þannig er að ég hef nýtt mér talsvert þá einokunarþjónustu sem þeir bjóða upp á sl. hálft ár á flugleiðinni Reykjavík – Osló vegna náms míns hér erlendis.

Á þessum tíma hef ég  fylgst með þessari ,,glæpastarfssemi” þeirra og á ekki orð.  Ég get nefnt sem dæmi að nú vantar mig flug bara aðra leiðina Osló – Reykjavík í Desember, til þess að taka þátt í gleði ljóss og friðar með löndum mínum.  Á níu daga tímabili kostar þessi flugferð 84.120 kr. alla dagana.

Nú ef ég athuga flugferð fram og til baka Osló – Reykjavík ( 16. desember heim og 12. janúar út) kostar flugið 37.910 kr.  Þetta þýðir, að það er hagstæðara fyrir mig að kaupa flug fram og til baka þó ég þurfi ekki flugið til baka.  Ekki nóg með það að ég get keypt tvö svona flug og átt 8.300 kr í afgang. 

Því er það ljóst á könnunum mínum, að ef fólk þarf að kaupa flug aðra leiðina þá hækka þeir sætavalið mjög mikið, í þessu tilviki glæpsamlega mikið.  Það er greinilega nóg af sætum eftir í vélinni, annars myndu þeir ekki bjóða upp á svona ,,ódýr“ sæti fyrir þá sem kaupa flug fram og til baka.

Er maður skoðar flug með Iceland-express þá hækka þeir ekki verðið, kaupi maður bara aðra leiðina.  Sem dæmi rukka þeir tæplega 30.000 kr. fyrir flug frá Kaupmannahöfn til Reykjavíkur þann 16. desember.  Hægt er að fá ódýrt flug héðan frá Osló til Köben á 8.000 kr. 

Þá er staðan sú að það er hagstæðara fyrir mig að fljúga til Kaupmannahafnar og þaðan til Íslands en að versla við Icelandair.  Enda er það ekki beint aðlaðandi fyrir almenning að láta koma svona fram við sig og versla við Icalandair.

Þá er rétt að vara fólk við því að kaupa miða í fyrstu atrennu, því flugverð þeirra flakkar um þúsundir króna og stundum á annan tug þúsunda króna á einum sólahring.  Þetta þekkist ekki hjá flugfélögum erlendis s.s Norwegian sem að höfðu sömu verð á margra vikna tímabili allt til brottfaradags þegar ég þurfti á þeirra þjónstu að halda. 

Ekki er hægt að fela sig bak við það og segja að engin aðsókn hafi verið í vélina, heldur varð hún full á endanum, en verðlagningin var til fyrirmyndar og þurfti maður ekki að hafa áhyggjur að vera ,,rændur” þó að maður myndi kaupa miðann vikur fyrir brottför.

Þá er þetta ekkert einsdæmi sem þeir geta afsaka sig á bak við núna.  Á haustdögum kannaði ég aðrar flugleiðir Icelandair til borga í Evrópu og sömu sögu var að segja sem ég hef hér áður sagt frá, ætlaði maður að panta flug aðeins aðra leiðina.

Mér þykir framkoma þessa gamla flugfélags sorgleg og er félaginu alls ekki til framdráttar, þeir gera lítið úr viðskiptavinum sínum sem munar flestum um hverja krónu.  Þeir nýta sér einokunaraðstöðu (þó látið sé líta út fyrir annað með flugi SAS til Íslands, sem greinilega er baktrygging Icelandair!) sína sitt sem er til skammar.

Þetta er félag sem megnið af íslensku þjóðinni hefur stutt í gegnum áratugi og hefur því miður oftast neyðst til þess, félag sem hefur skilað miljarða hagnaði á sl. ársfjórðungum og er ljóst að viðskiptavinir þess fá ekki að finna fyrir þessum hagnaði.

Ég get nefnt sem dæmi um hrakandi þjónustu Icelandair, að síðdegisflug félagsins, þann 23. nóvember til Osló frá Íslandi beið mikinn hnekki í mínum huga og flest allra farþega.  Þjónustufólkið var undirmannað (held þrjár flugfreyjur) sem náðu ekki að bjóða öllum að kaupa sér að borða áður en vélin lenti á Gardemoen og var enn verið að selja veitingar þegar 20 mín voru í lendingu.  Þetta er hluti af sparnaðaraðgerðum þeirra að bjóða ekki lengur upp á mat, heldur að bjóða upp á uppsprengt verð af vörum framleiddum af  Sóma.  Tími til sölu á varningi (snyrtivörum o.þ.h. var enginn).  Hér er á ferð félag sem er á miklum villigötum og væri einhver sönn samkeppni á þessari flugleið, myndu þeira brátt fljúga á milli með tómar vélar vegna þess að viðskiptavinirnir væru farnir annað.  En það er nú einu sinni svo að almenningur hefur ekkert val og því komast þeir upp með svona framkomu án þess að biðja afsökunar.

Hér er þó ekki hægt að sakast við þá sem hafa þjónustað mann um borð í þessum flugferðum, enda gerir starfsfólkið sitt besta þó svo að það geti verið erfitt.  Icelandair hefur góða starfsmenn sem eru til fyrirmyndar, en stjórnendur þess mega skammast sín.

Hér að neðan má sjá þau verð sem koma upp þegar maður athugar flug með félagi “glæpa” á næstu vikum.  Bæði á flugleiðinni Osló – Rvk & Frankfurt – Rvk.

Virðingarfyllst og með von um að þessi mál verði könnuð,

Helgi Einarsson – Háskólanemi

Einnig sett fram á www.helgie.wordpress.com

verðlagning_icelandair.pdf

-sundruð föllum vér!

Valhöll, hús þeirra bláu var máluð rauð að hluta.  Skiljanlega eiga Sjálfstæðismenn ekki orð yfir þessum gjörningi.  Einn þeirra sem er dapur í bragði er Andri framkvæmdarstjóri X-D og sagði hann við Fréttablaðið í dag: ,,Það er dapurlegt að fólk fái útrás með þessum hætti á tímum þar sem mestu skiptir að standa saman og vinna að uppbyggilegri lausnum.” 

Allt í góðu Andri minn, það er vissulega mikilvægt að vinna að uppbyggilegri lausnum en þegar fólk hefur ekki séð neinar lausnir núna á fjórðu eða fimmtu viku (í raun í marga mánuði) frá yfirvöldum þá eru sumir orðnir örvæntingarfullir.  Það er svo einkennilegt að þegar fólk mótmælir eða fremur spellvirki að þá myndi maður halda að sá sem verður fyrir mótmælunum ætti að líta í barm sinn og spyrja sig hvað hef ég gert rangt, er ég ekki að standa mig?  Ég held að yfirsstjórnarrjómanum í Sjálfsstæðisflokknum hafi ekki enn dottið þetta í hug, enda er það líklegast kennt á sjálfsstyrkingarnámskeiði þeirra undir luktum dyrum að þeir geri ekkert rangt, þeir séu hinir útvöldu til þess að fara með völdin í þessu landi.  Björn gamli Bjarna heldur það a.m.k. ennþá.

Ég er ekki fylgjandi óspektum og að málningu sé sullað á hús, en þetta er nú bara hús en ekki lifandi vera, við skulum muna það!  En ég skil hinsvegar vel að sumir vilji sjá einhverja framför, en við Íslendingar erum ekki þekkt fyrir að vera góðir mótmælendur og hvort það sé af því að við séum öll svona bæld eða skynsöm skal ég ekki segja.  Svo getur vel verið að þarna hafi verið unglingar á ferð sem vilja bara vera með.

Hann nefnir að nú á tímum sé mikilvægt að standa saman.  Það er ekkert sjálfssagðara en að standa saman, en stundum eru ekki allir í sama hóp.  Ég skal standa með öllum ef þeir verða meiri menn og viðurkenna mistök og taka pokann sinn, en þangað til má ég fyrirlíta alla þessa glæpamenn og óstjórnendur.  Tökum ýkt dæmi: í stríðum þá standa fórnarlömdin saman og svo eru annar hópur sem stendur saman sem eru valdaforingjarnir.  Ég held að það síðasta sem að gyðingarnir hefðu gert í síðari heimsstyrjöldinni væri að ganga í lið með Nasistum og Hitler….nema þá bara til þess að hjálpa þeim að ná ætlunarverkinu sínu…að sökkva dýpra….sem betur fer tókst ekki.

Ég ætla ekki að dæma um hvort að þetta sé rétti tíminn til þess að fara í kosningar, en það má mótmæla þessum yfirgangi og fá ríkisstjórnina til þess að t.d. stofna þjóðstjórn og segja að kosningar yrðu að vori…bara þessi einfalda lausn myndi róa margann.  Þegar að kosningadegi kæmi veit ég ekki hvað maður myndi kjósa, það mætti segja að mikill hluti þingheims sé vanhæfur.  Ég meina Framsókn var nú við stjórnvölin frá 95-07, þannig að þeir eru mun verri menn en Samfylkingin.  Ef þetta er ekki rétti tíminn til þess að stofna stjórnmálaflokk þá veit ég ekki hvenær hann er, einhver með? hahaha.

En eigði öll rosalega góða helgi, ég ætla svo sannarlega að eiga hana.  Líka Andri vona að helgin verði honum góð.  Langaði bara að fá smá gleðilega útrás, alltaf langað að prufa að vera með í henni

Helgi

Þá kemur bráðum í ljós hvort að Bandaríkjamenn hafi öðlast einhverjar gáfur frá síðustu kosningum.  Ég held og vona það heimsins vegna að þeir kjósi ,,rétt” svo að andúð heimsins á þessu veldi minnki á komandi árum.  Ég held að engin eða fáar þjóðir séu á svo miklum villigötum í svo mörgum málaflokkum, nema þá kannski íslenskir ráðamenn sem stjórna okkar landi, haha.  Annars er þetta kosningarkerfi þeirra svo sérstakt að það kæmi manni ekki á óvart þó að Cain komist í Hvíta húsið og reyni að toppa vitleysinginn Bush.

Nú er þetta land alveg að fara með mig.

Fór út í hraðbanka áðan og tók út pening, alveg ágætis upphæð þegar búið er að margfalda hana með 18.  Fór því næst í búðina til þess að kaupa mér rakvélablöð, þar sem að rakstur hefur ekki farið fram í 8 daga.  Hefði ég vitað hvað ég þyrfti að punga út fyrir þetta og að skapið yrði ekki gott eftir þessa ferð þá hefði ég nú bara haldið mig heima og safað skeggi næstu vikurnar.  Þessi bölvuð blöð kostuðu rúmlega 2500 kr eftir umreikningu í þetta íslenska hland sem kallast mynt.  Það fór ýmislegt í gegnum hugann þegar ég var að borga þetta og fékk líklegast öll ríkisstjórnin higsta og seðlabankapakkið um leið.  Ef einhver ætlar að verja þessa bjána og segja að þeir eigi ekki hluta af þeirri sök sem er í gangi þá veit ég ekki hvort að það ætti að commentast hér. 

Ég veit ekki hvað ég er búinn að fara oft í hraðbanka undanfarið, tek oftast lítið út í einu en alltaf er þetta búið og það er ekki eins og það sé eintóm veilsa í kofanum.  Mjólk og brauð kosta bara hausinn af og þetta er alveg að fara í mínar fínustu núna um þessi mánaðarmót, halelúja.

Jæja hafið kvöldið gott, nema þessir ríkispúkar vona að þeir hafi það bara nokkuð slæmt…

Þá er bara að koma enn ein helgin, 41. helgi ársins.  Hvar værum við ef það væru ekki helgar, hugsa sér lífið ef fólk hefði aldrei frí, tíma til þess að vera með þeim nánustu, tíma til þess að skoða & kanna nýja hluti, tíma til þess að fullnægja þörfum mannsins.  Allir hafa gott af því að vinna og stundum vinna mikið, en það er mikill missir ef maður gerir ekkert annað, eitthvað sem maður myndi sjá eftir í ellinni…..og færi að hugsa ef ég hefði gert þetta o.s.frv.

Ég hef fylgst náið með þessu blessaða ástandi heima og veit ekki hvort að ég eigi að vera að tjá mig mikið um það, enda held ég að það sé ekki hollt fyrir fólk að vera með þetta fyrir eyrunum öllum stundum….það veldur bara depurð.  Engu að síður líður mér ljómandi vel, ég lifi á skýi eftir mín ferðalög og gott að hafa bensíntankinn rúmlega fullann.  Það eru þó nokkur atriði sem mig langar að komi fram þar sem ég hef lítið annað að gera þessa stundina, haha.

Geri, kannski fráfarandi forsætisráðherra, er ekki stjórnmálamaður sem þolir álag til lengri tíma.  Hann hefur takmarkaða þolinmæði og á það til að vera dónalegur á köflum.  Einnig sagði hann áðan að nú væri ekki rétti tíminn til þess að draga menn til ábyrgðar, nú hvenær er hann þá? Æi ég var búinn að gleyma að þessi flokkur er ekki með hugtökin siðgæði eða að draga til ábyrgðar í sinni biblíu.  Hvernig væri að þessi háblái flokkur myndi einu sinni reyna að gera eitthvað sem þjóðinn vill, reka bankastjórn Seðlabankans með skömm.

Ég tek ofan fyrir fulltrúa X-S í stjórn Seðlabankans sem sagði af sér í dag, mig langar að færa henni blóm eða eitthvað….konfekt.  Hvernig væri þá að hinir myndu gera slíkt hið sama.  Eitt hefur vakið furðu mína er hvar stjórnarandsstaðan sé, er hún ekki til eða?  Þetta er vissulega áróður hjá mér á tímum sem að allir eiga að standa saman, það getum við vel gert….ég og Vignir stöndum hér saman í Osló í blíðu og stríðu, aðallega blíðu.  En það er óþarfi að hafa menn við völd sem skemma fyrir, hafa misnotað fjölmörg tækifæri til þess að svona færi ekki, hafa ekki traust þjóðarinnar.  Ég bara verð til að auka á bros mitt að nefna eitt nafn, Árni Matt, dýralæknir að mennt….það er svo merkilegt að maður úr svona mikilli fjölskyldur skyldi ekki geta lært meira um stjórnmál, þegar hann er sonur fyrrverandi alþingismanns og ráðherra….það er því sannað að menn/konur eru ekki fæddir/ar til þess að feta í spor foreldra sinna, allavega hvað atvinnu varðar.  Mér finnst bara sorglegt að menn geti ekki verið gagnrýnir á sjálfa sig.  Þessi ádeila á þennan tiltekna flokk er skrifuð með mikilli virðingu fyrir ömmu minni og vona ég að hún muni aldrei heyra eina línu af því sem skrifað hefur verið hér að ofan.  Þó er hún svo skynsöm og frábært að henni líst ekkert á þetta ástand og hefur gagnrýnt ákveðna menn.  Þetta sannar það að blátt fólk getur verið mjög skynsamt og frábært, enda skiptir engu máli hvar fólk er í pólitík, aðeins að það hafi skynsemi og sé sanngjarnt.

Veðrið í dag var alveg frábært, einskonar íslensk sumarveður.  14°c, heiðskýrt og logn, fullkomið.

Ég keypti mér bók í fríhöfninni til þess að hafa eitthvað að lesa í þotu Okurleiða, því yndislega félagi, kannski bráðum ríkisfélagi.  Brúðguminn eftir Ian McEwan.  Svolítið mögnuð bók, frekar slappur fyrrihelmingur en sá seinni gerði gott betra og fékk mann til þess að hugsa.  Þetta er s.s. saga um hvernig gjörvöll tilvera manna getur umturnast við eitt atvik, eina snertingu, eitt orð sem var sagt eða ekki.  Best að taka það fram að þetta er ekki bók fyrir fólk með öllu mjalla, aðeins fyrir svona heilabú sem þurfa að hugsa hvern daga, hvert augnablik og þangað til niðurstaða fæst í það sem greint var.

Þá er bara að halda gleðinni, brosinu og andlitinu Þetta átti að verða svo stutt hjá mér, en endaði í ritgerð, gat verið, 660 orð :)

Þá kom að því, gengi norsku krónunar hækkaði mest í dag gagnvart þeirri íslensku: 2,56% takk fyrir.  Við þetta tækifæri getum við fagnað því að hún rauf 16 kr. múrinn og endaði í tæplega 16,40 kr.  Gengið hefur aðeins einu sinni verið óhagstæðara fyrir Íslendinga hér í Norge (allavega á sl. 5 árum), en þá var NO kr. 0.027 kr hærri og var það í lok júni sl.  Ekki veit ég hvert framhaldið verður en ástandið er ekki mjög hvetjandi, íslenska krónan hefur nefnilega veikst um 8 % gagnvart þeirri norsku á rúmlega einum mánuði og um 42% frá því um áramót. Nú ef ég ákveð að hlusta á forsetisráðherrann okkar þá er hann alltaf búinn að ná botninum og segir að bjartari tímar séu framundan (Geir minn ef þú ætlar að sjá bjartari tíma þá verðuru að vinna vinnuna þína aðeins betur), ef ég hlusta á fjármálaráðherrann þá heyrist bara jarm því hann tjáir sig sem minnst um málefni sem tengjast efnahagsmálum eða peningum, enda dýralæknir að mennt og heldur sig til í réttum landsins á þessum tíma.  En ef ég hlustar á greiningadeildir bankanna þá skilst mér að þetta sé bara ekkert að fara að lagast í bráð.

Jæja áfram með gleðina.  Er ekki rétt að klappa fyrir öllum þeim fjárfestum, stjórnendum banka og stjórnmálamönnum sem hafa sannað hvað þeir hafa ekki verið starfi sínu vaxnir undanfarin ár (en sem betur fer er margt fólk til sem er mjög hæft og gott).  Það er nefnilega minna mál að stjórna heimili, fyrirtæki eða landi í góðæðri, en það kemst upp um hvað sumt fólk hefur verið vitlaust og gráðugt þegar kreppir að (ekki það að ég hafi stjórnað landi en get alveg tekið það að mér ef Geir er þreyttur).  Það sorglegasta við þetta allt saman er að það er almenningur sem þarf að moka flórinn eftir þessa ágætu menn, þeir höfðu jú vit á einu að ná að bjarga sjálfum sér.  Þeir eiga alveg fyrir reikningunum þó að þeir sökkvi nokkrum fyrirtækjum í sjóinn, tapa kannski nokkrum krónum en ég held að þessir snillingar svelti ekkert.  Og jájá ég veit að þetta er ,,alheimsvandamál” enda er þetta ádeila á alla þessa sauði, ef ég má finna snyrtilegt orð yfir þá.

Samhliða þessu er hægt að fagna því hvað LÍN, Lánasjóður íslenskra námsmanna, er algjörlega úti á svelli í sínum málum með stjórnarformanninn Gunnar I. Birgisson í niðurbroddi.  Ég bara satt best að segja veit ekki hvar ég á að byrja þegar maður ræðir um námslán, annars hef ég ekkert út á þau námslán að setja sem íslenskir námsmenn heima fá, frekar þau kjör sem íslenskum námsmönnum erlendis er boðið upp á.  T.d. ef að norskir námsmenn klára nám, þá fá þeir þessi lán sín greidd sem styrk (allavega hluta).  Bíddu, bíddu styrk…..þá þarf maður ekkert að borga til baka….þetta má kannski kalla umbun fyrir að hafa fyrir því að mennta sig.  Til þess að pirra sig ekki á þessu þá er best að hugsa sem svo að ég þurfi sko engan styrk frá íslenska ríkinu, ég skal glaður borga þetta á næstu áratugum, það er ekki málið (reyndar skulda ég ekki svo mikið að það taki áratugi).

Svona eru þessar elskur rausnalegar, maður fær 35.000 kr í ferðalán fyrir 1 ár.  Haldið þið að það sé flott, það er eins gott að maður eigi smá auka pening annars væri manni bara hent út úr vélinni á miðju Atlandshafinu vegna þess að maður þarf að vera einstaklega heppinn til þess að fá flug með Okurleiðum fyrir þennan pening.  Var að skoða páskaflugið áðan, vegna smá einbeitingarskorts, viti menn það var í kringum 50 þús kallinn……þannig að það þýðir ekkert fyrir þá að segja: ,,Þú verður bara að panta flugið þitt snemma”….halló páskarnir eru eftir 8 mánuði.  En já alveg rétt LÍN reiknar ekki með að maður fari heim um páska og meira að segja ekki heldur um um jól.  Jú þeir vilja bara hafa þetta eins og þegar ungir menntamenn sigldu til meginlandsins með Goðafossi, skipi Eimskips, um haust og komu til baka í sauðburð ári síðar.

En ef einhverjir náðu að lesa þessa vitleysu alla leið hingað þá megið þið vita að ég er bara nokkuð hress og sæll.  Maður lætur ekki nokkra vitleysinga og eitthvað ástand koma sér í annað skap……..Föstudagur á morgun og er það gleðilegt að helgin skuli vera að nálgast aftur…..svo styttist í Ísland, það fagra og góða land.

Góðar stundir,

Helgi